कोल्हापूर : बिग बी अमिताभ बच्चन म्हणजे अनेकांच्या हृदयसिंहासनावर अधिराज्य गाजवणारे अभिनेते. आजही त्यांच्यावर चित्रीत झालेली गाणी वाजताच पाय आपोआप थिरकतात. साहजिकच त्यांची प्रत्येक गोष्ट साऱ्यांनाच भुरळ घालते. त्यांच्या वाहनांच्या ताफ्यातील ‘लॅंड क्रूझर एलसी २००’ ही गाडी फलटणच्या रघुनाथराजे नाईक- निंबाळकर यांच्याकडे सध्या आहे. नुकताच त्याला येथील गिरीश साटम आणि सहकाऱ्यांनी नवा लूक दिला आहे.

गिरीश साटम आणि सहकाऱ्यांनी दिला नवा लूक

साटम सांगतात, ‘‘अमिताभ बच्चन यांचे आम्हीही फॅन आहोत. त्यांनी सुमारे आठ वर्षे वापरलेली लॅंड क्रूझर ही गाडी रघुनाथराजे नाईक-निंबाळकर यांनी घेतली आणि त्यानंतर तिला नवा लूक देण्यासाठी त्यांनी आम्हांला संधी दिली. यानिमित्ताने शाहूपुरीतील गॅरेजमध्ये सहा दिवस ही गाडी होती.  

हेही वाचा- सावधान : कोल्हापुरकरांनो या तीन तारखांना वाढणार उष्मा ; हवामान खात्याचे संकेत

साटम पेंटर्सच्या माध्यमातून आमची तिसरी पिढी या व्यवसायात आहे. पेंटींग, सिरॅमिक कोटींग, इंटेरियर क्‍लिनिंग आदी कामे आमच्याकडे होतात. आजवर अनेक दिग्गजांच्या वाहनांना नवा लूक दिला; पण अमिताभ बच्चन आणि कुटुंबीयांनी वापरलेल्या गाडीला नवा लूक देण्याची संधी मिळाल्याचेही समाधान आहे.

संपादन- अर्चना बनगे