कोल्हापूर : नेत्यांचा एकेरी शब्दाचा उल्लेख केल्यावरून गोकुळच्या (Gokul Milk Dairy)संचालकांसह सहा जणांनी मारहाण केल्याप्रकरणी गगनबावडा पोलीस ठाण्यात गुन्हा नोंद झाला आहे. याबाबत ,मणदूर (ता. गगनबावडा) (Gaganbabada)येथील ज्ञानदेव बापू कांबळे (वय ४०) यांनी फिर्याद दिली आहे. पोलिसात गोकुळचे संचालक बयाजी शेळके, (Gokul Director Bayaji Shelke)सहदेव कांबळे (रा. कोदे), शिवाजी राऊत (रा. निवडे), निलेश म्हाळुंगेकर (रा. निवडे), सूर्यकांत पडवळ (रा. मांडुकली पैकी खोपडेवाडी), तुकाराम पाटील (रा. कोदे) यांच्या विरोधात फिर्याद दाखल झाली आहे.

याबाबत पोलिसात ज्ञानदेव कांबळे यांनी दिलेल्या फिर्यादीत म्हटले आहे की, सहाजणांनी साळवण येथे आपणास एका कारमध्ये बसवून आणले. गोकुळचे संचालक बयाजी शेळके व अन्य संशयित तेथे उपस्थित होते. शेळके यांनी मोबाईलमध्ये असलेला व्हिडिओ दाखवला. यावेळी नेत्याचा एकेरी उल्लेख का केला आहे. असा जाब विचारत काठीने मारहाण केली. तसेच ‘तुला गावात राहू देणार नाही’अशी धमकी दिली असे फिर्यादीत म्हटले आहे.