बिद्री (कोल्हापूर) : वेळ सकाळी ९ वाजता...नदीघाटावर धुणे धुवायला गेल्यावर तोल जाऊन नदीत पडलेल्या नातीला वाचवण्यासाठी आजीने आरडाओरडा केला, परंतु आजूबाजूला कोणीच नसल्याने त्यांच्या मदतीला कोणीही आले नाही. शेवटी आजी व नातीने प्रसंगावधान राखून मोठ्या प्रयत्नाने पाण्याबाहेर येण्यात यश मिळविले. केवळ दैव बलवत्तर म्हणूनच ही मुलगी वाचल्याची घटना बिद्री मौनीनगर येथे घडली.

याबाबत घटनास्थळावरुन समजलेली माहिती अशी, बिद्री कारखाना साईटवर दिलीप शेटगे हे पत्नी, मुलगा, मुलगी व आईसह भाड्याच्या घरात राहतात. आज सकाळी दिलीप यांची आई शांताबाई १२ वर्षीय नात रसिका हिला घेऊन मुख्य रस्त्यावर असलेल्या दुधगंगा नदीघाटावर धुणे धुवायला गेल्या होत्या. यावेळी नदीघाटावर केवळ त्या दोघीच कपडे धूत होत्या. कपडे धूत असताना अचानक रसिकाचा तोल जाऊन ती नदीच्या पाण्यात पडली. नदीतील पाणी वाहते असल्याने व पोहता येत नसल्याने ती पाण्याच्या प्रवाहासोबत वाहत जावू लागली.

हेही वाचा-शेतकऱ्यांनो वेळीच जागे व्हा नाहीतर...

आजीच्या धाडसामुऴे टऴला अनर्थ 

अनपेक्षित घडलेल्या या घटनेने शांताबाई भेदरुन गेल्या. त्यांनी नातीला वाचवण्यासाठी आरडाओरडा केला. परंतू आजूबाजूला कोणीच नसल्याने त्यांच्या मदतीला कोणीही आले नाही. शेवटी रसिकानेच स्वतः हातपाय मारुन पाण्याबाहेर येण्याचा प्रयत्न केला. यावेळी आजीनेही धाडसाने पाण्यात शिरुन रसिकाच्या हाताला धरुन बाहेर खेचले.

हेही वाचा- रामदास आठवले म्हणाले, तीन चाकीपेक्षा दुचाकी सुसाट धावली असती...

आजीचा नातीला तिला धीर...

यावेळी आजी व नातीने प्रसंगावधान राखून मोठ्या प्रयत्नाने पाण्याबाहेर येण्यात यश मिळविले. पाण्याबाहेर आल्यावर रसिका खुपच भेदरलेली होती. आजीने तिला धीर देत घरापर्यंत आणले.या कठीण प्रसंगी रसिका व तिच्या आजीने दाखवलेल्या धाडसाने दोघींचा जीव वाचल्याने, काळ आला होता पण वेळ आली नव्हती.... याची प्रचिती आली आहे.