कोल्हापूर - उद्यमनगरात राजारामपुरी पोलिसांनी कारवाई करत दोघा संशयित मोपेडस्वारांना ताब्यात घेतले. त्यांच्याकडून 65 हजारांचा गुटखासह मोबाईल व मोपेड जप्त केली. त्या दोघांवर गुन्हा दाखल करण्यात आला. 

गुन्हा दाखल केलेल्या संशयितांची नावे ः सखाराम श्रीपती सावंत (वय 31, रा. माळी कॉलनी, राजारामपुरी) आणि संतोष आण्णाप्पा कुंभार (वय 30, रा. कळंबा परिसर) अशी आहेत. 

याबाबत पोलिसांनी दिलेली माहिती, उद्यमनगर परिसरात दोघे जण बेकायदेशीर गुटखा बाळगून फिरत असल्याची माहिती राजारामपुरी पोलिसांना मिळाली. गुन्हे शोध पथकाचे उपनिरीक्षक समाधान घुगे व त्यांच्या पथकाने शनिवारी या भागात सापळा लावला.

हे पण वाचा - Video: कोल्हापुरात आहे अस एक गाव जिथे महिलांनी आणली शांतता आणि आरोग्याची क्रांती! 

उद्यमनगर परिसरात मोपेडवरील दोघांना ताब्यात घेतले. त्यानी त्यांची नावे सखाराम सावंत, संतोष कुंभार असल्याचे सांगितले. त्या दोघांनी विक्रीच्या उद्देशाने जवळ बाळगलेल्या सुमारे 65 हजार रूपये किमंतीचे गुटखा आणि मोबाईल, मोपेडसह एकूण 1 लाख 25 हजार 234 रूपयांचा मुद्देमाल जप्त केला. 

संपादन - धनाजी सुर्वे