कोल्हापूर : काही दिवसांपासून राज्या चर्चेत असणारे परमबीर सिंह विरूद्ध अनिल देशमुख या प्रकरणात आज निकाल लागला आहे. राज्याचे गृहमंत्री अनिल देशमुख यांनी राजीनामा दिला आहे. मुंबईचे माजी पोलिस आयुक्त परमबीर सिंह यांनी राज्य गृहमंत्री अनिल देशमुख यांच्यावर १०० कोटींच्या भ्रष्टाचाराचे आरोप लावले होते. या प्रकरणी उच्च न्यायालयाने गृहमंत्र्यांच्या सीबीआय चौकशीनंतर आज ज्य गृहमंत्री अनिल देशमुख यांनी मुख्यमंत्र्यांकडे आपला राजीनामा सुपूर्द केला आहे. आता नव्या गृह विभागाचा कार्यभार राष्ट्रवादीचे दिलीप वळसे पाटील यांच्याकडे देण्यात यावा, असं पत्र मुख्यमंत्री उद्धव ठाकरे यांनी राज्यपालांना पाठवले आहे.

सध्या दिलीप वळसे पाटील यांच्याकडे कामगार विभागाचा कार्यभार आहे. तो अतिरिक्त कार्यभार आता हसन मुश्रीफ यांच्याकडे सोपवण्यात यावा तसेच राज्य उत्पादन शुल्क विभागाचा अतिरिक्त कार्यभार हा उपमुख्यमंत्री आणि वित्तमंत्री असलेले अजित पवार यांच्याकडे देण्यात यावा अशी विनंतीदेखील पत्रात करण्यात आली आहे. त्यामुळे आता ग्रामविकासमंत्री हसन मुश्रीफ यांच्याकडे या अतिरिक्त खात्याची जबाबदारी असणार आहे.

हेही वाचा - मुंबई, पुण्याचे चाकरमानी कोल्हापूरला परतले; लॉकडाउनचा धसका