कोल्हापूर  : एप्रिलमध्ये तापमान ४३ अंशांपर्यंत जाण्याचे संकेत भारतीय हवामान खात्याने दिले आहेत. सकाळी आठपासून तळपणारा सूर्य, कोरडे हवामान आदी घटकांमुळे दुपारी तर उन्हाचा कहर झाला आहे. अतिउन्हामुळे रस्त्यावर गर्दी ही कमी झाल्याचे दिसत आहे. 

पारा ४३ अंशांपर्यंत जाणार; हवामान खात्याचे संकेत
उत्तर भारतातून येणाऱ्या कोरड्या हवामानामुळे जिल्ह्यासह राज्यातील अनेक भागात तापमान वाढले. दोन ते तीन दिवसांत कोल्हापूर जिल्ह्यात दुपारचे तापमान हे ३९ अंशांपर्यंत गेले. एप्रिलच्या ३० तारखेपर्यंत तापमानाचा हा प्रभाव जास्त राहणार असल्याचे भारतीय हवानामन खात्याच्या संकेतस्थळावर माहिती दिली आहे. तापमान वाढीमुळे दुपारी तर गर्दी कमी होते; पण विक्रेत्यांचे प्रमाण ही कमी असते. 

हेही वाचा- शिवाजी विद्यापीठाला नॅकचे ‘ए प्लस प्लस’ मानांकन ; सात निकषांवर मूल्यांकन

अतिउन्हामुळे रस्त्यावर गर्दी कमी
लक्ष्मीपुरी, कपिलतीर्थ, गंगावेस मंडई, उपनगरातील मंडईत तर दुपारी भाजी घेण्यासाठी बाहेर पडत नाहीत. सायंकाळी चार नंतर लोक खरेदी-विक्रीसाठी बाहेर पडत आहेत.  

एप्रिलमधील असे राहील तापमान 
 सहा, सात, दहा तारखेला तापमान : ४० ते ४३ अंशांपर्यंत जाईल
 एप्रिलमध्ये तापमान हे ३९ ते ४३ अंशांपर्यंत राहील

संपादन- अर्चना बनगे