कोल्हापूर : शासनाने राज्यातील शेतकऱ्यांना(farmers)तीन लाखांपर्यंतच्या पीककर्जावर व्याज माफी जाहीर केल्याने शेतकऱ्यांना दिलासा मिळाला आहे; पण प्रामाणिकपणे पीककर्ज परतफेड (interest waiver on crop loan) करणाऱ्या जिल्ह्यातील १ लाख ७५ हजार शेतकऱ्यांना जाहीर झालेल्या प्रोत्साहनात्मक रकमेचे पन्नास हजार रुपये अनुदान दोन वर्षांपासून दिलेले नाही. त्यामुळे या शेतकऱ्यांना न्याय आतातरी मिळणार का, असा सवाल उपस्थित होत आहे. (interest-waiver-on-crop-loan-scheme-flopped-kolhapur-district-farmers-marathi-news)

राज्य शासनाने २ लाख रुपयांपर्यंतची थकबाकी असणाऱ्या शेतकऱ्यांची कर्जमाफी जाहीर केली. यामध्ये प्रामाणिकपणे पीककर्जाची परतफेड करणाऱ्या शेतकऱ्यांना ५० हजार रुपयांचे अनुदान जाहीर केले होते. जाहीर केल्यानंतर एक ते दोन महिन्यांत ही रक्कम मिळेल, अशी अपेक्षा होती. मात्र, वर्ष होऊन गेले तरीही शेतकऱ्यांच्या पदारात ही रक्कम पडलेली नाही. वास्तविक, जिल्ह्यातील सर्वाधिक शेतकऱ्यांनी कर्जाची वेळेत परतफेड केली आहे.

हेही वाचा- राजर्षी छत्रपती शाहू पुरस्कार घोषित; या '16' जणांचा होणार सन्मान

प्रत्येक वर्षी ९० टक्क्यांपेक्षा जास्त कर्ज वसुली केली जाते. साखर कारखान्यांना ऊस गेल्यानंतर थेट कारखान्याकडूनच कर्जाचे हप्ते वसूल केले जातात. त्यामुळे कोल्हापूर जिल्ह्यात कर्ज वसुली सर्वाधिक आहे. थकीत कर्जदारांना कर्जमाफी मिळाली, तर प्रामाणिक शेतकऱ्यांकडूनही कर्ज थकीत ठेवण्याचे प्रमाण वाढू नये, यासाठी प्रोत्साहनात्मक योजना सुरू केली; पण याचीही आता प्रतीक्षा करावी लागत आहे.

प्रामाणिक जास्त, थकीत कर्जदार कमी

जिल्ह्यातील ४२ हजार ९९० थकीत शेतकऱ्यांना कर्जमाफीचा लाभ झाला आहे. यामध्ये जिल्हा बॅंकेच्या २९ हजार ४९१, तर राष्ट्रीयीकृत व इतर बॅंकांच्या १३ हजार ४२२ शेतकऱ्यांचा समावेश आहे. या सर्व शेतकऱ्यांना ३७२ कोटी रुपयांची कर्जमाफी मिळाली; पण प्रामाणिकपणे कर्जाची परतफेड केलेल्या शेतकऱ्यांना प्रोत्साहनात्मक रकमेची वाट पाहावी लागत आहे.