उत्तूर : येथील आंबेओहळ प्रकल्पांतर्गत कोल्हापूर पद्धतीचे सात बंधारे बांधण्यात येणार आहेत. या सर्व बंधाऱ्यांची कामे जूनपूर्वी पूर्ण करण्याचे पाटबंधारे खात्याने नियोजन केले आहे.
हा प्रकल्प पिण्याच्या व शेतीच्या पाण्यासाठी लाभदायक ठरणार आहे. प्रकल्पांतर्गत सहा हजार 359 हेक्टर पीकक्षेत्र सिंचनाखाली येईल. आजरा व गडहिंग्लज तालुक्यातील 11 गावांना सिंचनाचा लाभ मिळणार आहे. धरणसाठ्यामधून सात गावांना सात केटीवेअरमधून पाणी पुरविण्यात येईल.
उत्तूरपासून गिजवणेपर्यंत सात ठिकाणी हे बंधारे बांधले जातील. धरणात पाणी साठल्यावर रोटेशन पद्धतीने पाणी सोडले जाईल व उपसाद्वारे शेतकरी पाणी उचलतील. यापैकी सहा बंधाऱ्यांची बांधकामे तीन निविदांद्वारे केली आहेत. सर्व बंधारे जून 2021 पूर्वी पूर्ण करण्याचे नियोजन आहे.
या सर्व बंधाऱ्यांची किंमत चार कोटी 75 लाख रुपये होईल. सर्व बंधारे हलक्या वाहनास उपयोगी ठरणार आहेत. एक नंबरचा बंधारा पाणंद रस्त्यावर येत असल्याने त्याची रुंदी 4.25 मीटर रुंद धरण्यात आली.
संपादन - सचिन चराटी
kolhapur
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.