घुणकी (कोल्हापूर) : पुणे- बंगळूर महामार्गावरील कागल-सातारा दरम्यानच्या किणी (ता. हातकणंगले) व तासवडे (जि. सातारा) येथील नाक्यावरून जाणाऱ्या वाहनांच्या पथकरात एक जुलैपासून १० टक्के दरवाढ होणार आहे. पेट्रोल, डिझेल दरवाढीने मेटाकुटीस आलेल्या वाहनधारकांना आता हाही झटका बसणार आहे. बुधवारी मध्यरात्रीनंतर दरवाढ अमलात येईल.(kagal-satara-highway-kini-tasawade-10-percent-increase-road-tax-kolhapur-news)

महामार्गाच्या कागल- सातारा टप्प्याचे २००५ च्या दरम्यान ‘बांधा वापरा आणि हस्तांतरित करा’ योजनेतून चौपदरीकरण पूर्ण झाले. तेव्हापासून रस्ते विकास महामंडळाच्या नियोजनाखाली पथकर संकलन होत आहे. दर एक जुलैला पथकरात बदल होतो. ‘फास्टॅग’मुळे पथकरावरून होणारे वाद संपुष्टात आले. फास्टॅग नसलेल्यांकडून दुप्पट पथकर आकारला जातो.

हेही वाचा- उद्योजक संजय घोडावत यांच्याकडे पाच कोटींची खंडणी मागणारा अटकेत

वाढलेले डिझेल दर आणि आता पथकरात वाढीने आम्हाला गाड्याच बंद ठेवाव्या लागतील. यावर निर्णयासाठी उद्या (ता. २९) तातडीने बैठक बोलविली आहे.

-भाऊ घोंगळे, उपाध्यक्ष, जिल्हा लॉरी असोसिएशन

कोविडमुळे गेल्या वर्षी पथकरात वाढ झाली नाही. तब्बल दोन वर्षांनी केवळ दहा टक्के वाढ झाली आहे.

- प्रताप भोईटे, व्यवस्थापक, किणी नाका

पथकर दर (रुपयात)

वाहन जुने दर नवे दर

जीप/मोटार ७५ ८०

मिनीबस १३५ १४५

ट्रक/बस २६५ २९०