कोल्हापूर : कळंबा मध्यवर्ती कारागृहात खिळ्याने झालेल्या हल्ल्यात बंदी जखमी झाला. आज सकाळी हा प्रकार घडला. या प्रकरणी दोघा संशयित बंदींवर जुना राजवाडा पोलिस ठाण्यात गुन्हा नोंद झाला. मेहुल संदीप पाटील व विराज विजयकुमार गरूड अशी त्यांची नावे आहेत.
याबाबत पोलिसांनी दिलेली माहिती अशी,
कळंबा मध्यवर्ती कारागृहात मकरंद ऊर्फ मारुती बाबासाहेब मोटे (वय ४६, रा. खंडाळा, सातारा) व संशयित मेहुल पाटील व विराज गरूड एकाच बरॅकमध्ये आहेत. सकाळी मकरंद झोपून उठला. त्यावेळी त्याला मेहुल व विराजने बरॅकच्या बाहेर बोलावले. त्याला व्हिजिटिंग कार्डवरील मोबाईल क्रमांक दाखवून बरॅक क्रमांक चारकडे जाणाऱ्या जिन्याजवळ बोलवून घेतले.
हेही वाचा- इचलकरंजी आगार जिल्ह्यात अव्वल -
त्यानंतर त्याला पाठीमागून धरून त्याच्यावर लोखंडी खिळ्याने हल्ला केला. त्यात तो जखमी झाला. त्याला सीपीआरमध्ये दाखल केले. याबाबत मकरंदने दिलेल्या फिर्यादीनुसार मेहुल व विराज या दोघांवर जुना राजवाडा पोलिसांत गुन्हा दाखल करण्यात आला. हा प्रकार पूर्ववैमनस्यातून झाल्याची माहिती प्राथमिक तपासात पुढे आली आहे.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.