कोल्हापूर - दोन वर्षे अकरा महिन्यांच्या अन्वी चेतन घाटगे हिने ‘कळसुबाई’ शिखर मोहीम फत्ते केली. सव्वा तीन तासांत मोहीम पूर्ण करत तिने, महाराष्ट्रातील सर्वात उंच असणारे शिखर सर केले. शिखर सर करणारी ती देशातील सर्वात लहान गिर्यारोहक ठरली आहे, असा दावा कोल्हापूर हायकर्सचे सागर पाटील यांनी पत्रकार परिषदेत केला.
श्री. पाटील म्हणाले, ‘‘पोलिस अंमलदार चेतन व अनिता घाटगे यांची ती मुलगी आहे. तिने दाट धुके, मुसळधार पावसात १६४६ मीटर उंचीच्या कळसूबाई शिखरावर चढाई केली. अहमदनगर जिल्ह्यातील बारी ग्रामपंचायतीतर्फे तिचा सन्मान केला. तिने यापूर्वी १८ महिन्यांची असताना पन्हाळा ते पावनखिंड पदभ्रमंती मोहीम पूर्ण केली आहे. वेसरफ ते जंगल असा १३ किलोमीटरसह सादळे-मादळे डोंगर, गगनबावडा तालुक्यातील मोरजाई, बोरबेट डोंगर व पठाराची पदभ्रमंती केली आहे. गगनगिरी गडाच्या ५६० पायऱ्या सर केल्या आहेत. हातकणंगलेतील बाहुबली डोंगर व दाजीपूर शिवगडही सर केला.
ते म्हणाले, ‘‘घाटगे यांनी ट्रेकिंगसह पर्यावरण रक्षणासोबत अनेक सामाजिक उपक्रम राबवले आहेत. अन्वीला तेजस स्वामी ट्रेक शयात्री गिर्यारोहण संस्था, मैत्रेय प्रतिष्ठान, कोल्हापूर हायकर्स, अॅडव्हेंचर गिअरतर्फे सन्मानित केले आहे. चेतन घाटगे व अनिता घाटगे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.