कोल्हापूर : अंबाबाई मंदिरात (Ambabai Temple) पश्चिम महाराष्ट्र देवस्थान समितीने (West Maharashtra Devasthan Committee) धर्मशास्त्र (DharmaShastra) अभ्यासकांची नियुक्ती केली आहे. दहावी उत्तीर्ण असणाऱ्या या धर्मशास्त्र अभ्यासकांनी मंदिरातील वातावरण कलुषित करून मंदिरात नसलेल्या प्रथा सुरू करण्याचा प्रयत्न केला आहे. त्यामुळे त्यांना निलंबित करावे, अशी मागणी श्री करवीर निवासिनी महिला बहुउद्देशीय संस्थेने निवासी उपजिल्हाधिकारी संजय तेली यांच्याकडे निवेदनाव्दारे केली.

निवेदनात (Karveer Niwasini Sanstha) म्हटले आहे, आचारसंहिता असताना २०२२ च्या पोटनिवडणुकीमध्ये जाहिरात काढून हे पद भरले आहे. आचारसंहिता चालू असताना ही नेमणूक केली आहे. सध्याचे अभ्यासक हे दहावी उत्तीर्ण असून त्यांना सातव्या वेतन आयोगाचे वेतन देऊ केले आहे. देवस्थानमध्ये कार्यरत असणारे कोणतेच कर्मचारी कायम नाहीत. अशावेळी यांना वेगळी वागणूक कशी दिली गेली.

तसेच या अभ्यासकांचे वर्तनही वातावरण कलुषित करणारे आहे. कर्मचाऱ्यांशी वादविवाद करणे, विविध प्रथा परंपरांमध्ये अडथळा निर्माण करणे, अंबाबाई मंदिर प्रांगणात कुठलीही कायमस्वरूपी गोष्ट तयार करताना पुरातत्व खात्याची परवानगी घेणे आवश्यक आहे, असे असताना नवग्रह मंडपाजवळ या अभ्यासकांनी हवन कुंड तयार करून घेतला असून, त्याचा आजवर कधीही वापर झालेला नाही.

नवग्रह मंडपासारख्या ऐतिहासिक वास्तूजवळ असे कुंड निर्माण करून या शिल्पांना धोका निर्माण झाला आहे. अशा अभ्यासकांना त्वरीत निलंबित करावे. यावेळी संस्थेच्या अध्यक्षा संगीता खाडे यांच्यासह पदाधिकारी उपस्थित होत्या.