गांधीनगर (कोल्हापूर) : दारू पिताना झालेल्या वादातून मित्रानेच मित्राचा खून केला. हा प्रकार वसगडे (ता. करवीर) येथील समाजमंदिराच्या सभागृहात काल रात्री साडेआठच्या दरम्यान घडला. यात रोहिदास उल्हास कांबळे (वय २८, रा. वसगडे) याचा मृत्यू झाला. या प्रकरणी संशयित जगदीश नायकू कांबळे (२७, रा. वसगडे) याचा पोलिस शोध घेत आहेत.
याबाबत पोलिसांनी दिलेली माहिती अशी
रोहिदास आणि जगदीश मित्र आहेत. दोघेही मोलमजुरी करतात. काल रात्री सव्वाआठच्या सुमारास वसगडे येथील समाजमंदिराच्या सभागृहात दोघेही दारू पिण्यास
बसले. दारू पिताना दोघांमध्ये वाद झाला. तो विकोपाला गेला. दोघे एकमेकांच्या अंगावर धावून गेले. जगदीशने रोहिदासला खाली पाडले आणि छातीवर बसून हाताने गळा दाबला. गळा इतक्या जोराने दाबला गेला की रोहिदासचा जागीच मृत्यू झाला.
याची माहिती मिळताच गांधीनगर पोलिसांनी घटनास्थळी धाव घेतली. सहायक पोलिस निरीक्षक दीपक भांडवलकर यांनीही घटनास्थळी भेट दिली. रोहिदासचा मृतदेह प्रथम गांधीनगर येथील शासकीय वसाहत रुग्णालयात नेण्यात आला. त्यानंतर तो उत्तरीय तपासणीसाठी कोल्हापुरातील सीपीआर रुग्णालयात पाठविण्यात आला.याबाबतची फिर्याद रोहिदासचे वडील उल्हास चुडाप्पा कांबळे यांनी गांधीनगर पोलिस ठाण्यात दिली. जगदीश कांबळेवर खुनाचा गुन्हा दाखल करण्याचे काम रात्री उशिरापर्यंत सुरू होते.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.