कोल्हापूर : जमीन दाव्याचा निकाल बाजूने लावून देण्यासाठी एक कोटीची लाचेची मागणी केल्याप्रकरणी बडतर्फ पोलिस नाईक याला लाचलुचपत प्रतिबंधक विभागाने अटक केली. जॉन वसंत तिवडे (सध्या रमणमळा) असे संशयिताचे नाव असल्याचे उपअधीक्षक आदिनाथ बुधवंत यांनी सांगितले. संशयित तिवडे तत्कालीन जिल्हाधिकाऱ्यांचा अंगरक्षक होता.

एमआरटी कौसिल पुणे येथील जमिनीच्या दाव्याचा निकाल तक्रारदारांच्या बाजूने लावून देण्यासाठी एक कोटीची मागणी केल्याप्रकरणी लाचलुचपत प्रतिबंधक विभागाने ६ ऑगस्टला गुन्हा दाखल केला होता. दरम्यान, संशयितावर कुपवाड पोलिस ठाण्यात दाखल गुन्ह्यामध्ये कारवाई केली होती. तो सध्या न्यायालयीन कोठडीत होता. त्याला कळंबा कारागृहातून ताब्यात घेऊन अटक केली. न्यायालयाने त्याला दोन दिवसाची कोठडी सुनावली असल्याचे बुधवंत यांनी सांगितले.