कोल्हापूर :  कोरोना रुग्णांची संख्या दिवसागणिक वाढत असताना शासकीय रुग्णालयात बेडची संख्या अपुरी पडत आहे. त्यामुळे आज गांधीनगरमधील एका वृद्ध व्यक्तीला सीपीआरमध्ये बेड उपलब्ध होऊ शकला नाही. अशात अत्यवस्थ असलेल्या कोरोना पॉझिटिव वृद्धाचा आज उपचाराच्या प्रतीक्षेत मृत्यू झाला.

गेल्या दहा दिवसांपासून कोरोना पॉझिटिव्ह येण्याच्या प्रमाणात कमालीची वाढ झाली आहे. कोल्हापूर शहरा बरोबर करवीर तालुक्यात ही कोरोना पॉझिटिव्ह येण्याचे प्रमाण लक्षवेधी आहे.गांधीनगर मध्ये जवळपास 80 हून अधिककोरोना पॉझिटिव्ह सापडले आहेत. त्यापैकीच एक कोरोना पॉझिटिव्ह असलेल्या वृद्ध व्यक्तीला शासकीय रुग्णालयात जागा नसल्याने सीपीआर कडे पाठविण्यात आले. यात ही व्यक्ती वृद्ध असल्याने तसेच अन्य काही गुंतागुंतीचे आजार असल्याने गंभीर अवस्थेत सीपीआरमध्ये आणली होती.

हेही वाचा- कोरोनाचा फटका; बलवडीच्या शेतकऱ्याने विकल्या 34 गाई -

मात्र सीपीआर रुग्णालयात 200 बेड कोरोना बाधितांवर उपचारासाठी ठेवले आहेत येथे 272 बाधितांवर उपचार होत आहेत.अशा स्थितीत नवीन कोरोमा  पॉझिटिव्ह रुग्ण दाखल करून घेणे मुश्कील होत आहे त्यानुसार गांधीनगर मधून आलेल्या या वृद्ध व्यक्तीला उपचार करण्यासाठी येथे उपलब्ध झाला नाही यात जवळपास दीड तासांची प्रतीक्षा झाली. कालावधीत या वृद्धाचा मृत्यू झाला.त्यामुळे जिल्ह्यातील कोरोनाचे गांभीर्य तसेच कोरोना बाधित यांवर उपचार करण्यासाठी तांत्रिक पातळीवर येत असलेल्या मर्यादा उघड झालेले आहेत. 

हेही वाचा-बुकिंग होताहेत रद्द, मूर्तिकारांना बसतोय लाखोचा फटका...वाचा काय आहे बातमी -

याबाबत राजर्षी शाहू महाराज शासकीय वैद्यकीय महाविद्यालयाच्या प्रभारी अधिष्ठाता डॉक्टर आरती घोरपडे यांच्याशी संपर्क साधला असता त्या म्हणाल्या की, सीपीआरमध्ये कोरोना बाधितांवर उपचार होतात मात्र सध्या बेड कमी पडत आहेत अशा नवीन कोरोना पॉझिटिव्ह रुग्ण उपचारासाठी आणताना पूर्वकल्पना दिलेली नसावी त्यामुळे बेड उपलब्ध  करणे शक्य झाले नसावेत.

संपादन - अर्चना बनगे