कोल्हापूर : जिल्ह्यात गेल्यावर्षीच्या तुलनेत राधानगरी धरणात कमी तर, काळम्मावाडी (Kalammawadi Dam) जास्त पाणीसाठा शिल्लक आहे. गेल्यावर्षी राधानगरी धरणात (Radhanagari Dam) १.५६ टीएमसी, तर काळम्मावाडी धरणात १.६६ टीएमसी पाणीसाठा होता. आज राधानगरीमध्ये १.५६ तर काळम्मावाडी धरणात २.६९ टीएमसी पाणीसाठा आहे. जिल्ह्यात गेल्यावर्षी सरासरीपेक्षा कमी पाऊस झाला. त्यामुळे ऐन उन्हाळ्यात पाण्याची समस्या जाणवेल, अशी परिस्थिती होती.

दरम्यान, यावर्षी जिल्ह्यात झालेला वळीव पाऊस तसेच, सध्या असणारे ढगाळ वातावरणामुळे शेतीसाठी लागणारा पाणीसाठा कमी झाला आहे. त्यामुळे काही धरणांमध्ये जास्त आणि काही धरणांमध्ये कमी पाणीसाठा झाला आहे. हे पाणी जपून वापरले पाहिजे, असे आवाहन केले जात होते. आता मॉन्सूनपूर्व (Monsoon) वातावरण होत आहे.

मॉन्सूनची शक्यता लवकरच असल्याने हा साठा पूर्ण क्षमतेने पुरवून उरेल, असे चित्र आहे. यावर्षी धरणातील पाणीसाठा कमी होईल, असाही अंदाज व्यक्त केला होता. मात्र, वेळोवेळी झालेल्या वळीव पावसाचा आधार मिळाला आहे. शेतीला या पावसाचा भरपूर फायदा झाला आहे. यामुळे नदीतील पाणी उपसा कमी होण्यास मदत झाली आहे.

धरण गेल्यावर्षीचा पाणीसाठा यावर्षीचा पाणीसाठा TMC मध्ये

• राधानगरी १.६४ १.५६

• तुळशी १.०४ १.१३

• वारणा ७.५३ ४. ६२

• दूधगंगा १.६६ २.६९

• कासारी ०.५७ ०.८१

• कडवी ०.८७ १.१४

• कुंभी १.१० १.१०

• पाटगाव ०.८८ १.२६