कोल्हापूर : महाराष्ट्रासह (Maharashtra) कोल्हापूर जिल्ह्यात वाढत असलेल्या कोरोना रुग्णांच्या पार्श्‍वभूमीवर उद्या (ता. 10) जिल्हा नियोजन समितीची बैठक ऑनलाईन पध्दतीने होणार आहे. यासाठी प्रशासनाकडून तशा सूचना दिल्या आहेत.

आठवड्यापूर्वी कोल्हापूर (Kolhapur) जिल्ह्यात दररोज 5 ते 6 कोरोना रुग्ण आढळत होते. तीन ते चार दिवसापासून कोरोना रुग्ण संख्येत झपाट्याने वाढ होत आहे. शुक्रवारी(ता.७) रोजी 100 हून अधिक कोरोना रुग्ण आढळले आहे. जिल्ह्यात कोरोनाचा धोका वाढू नये यासाठी उद्या नियोजन समितीची बैठक ऑनलाईन घेण्यात येणार आहे. नियोजन समितीच्या सर्व सदस्यांना आपआपल्या कार्यालयात किंवा घरातूनच या बैठकीत सहभागी व्हावे असे प्रशासनाने सांगितले आहे.