सोळांकूर : कोल्हापूर शहरासाठीच्या थेट पाईपलाईन योजनेच्या येथील पाईपलाईन टाकण्याचा अडसर दूर झाला आहे. गावातील सोळांकूर ग्रामीण रुग्णालयासमोरून आज पाईपलाईनसाठी खोदाईचे काम सुरू झाले. महापालिका प्रशासन आणि सोळांकूर ग्रामपंचायत यांच्यात झालेल्या सकारात्मक चर्चेनंतर पुढचे पाऊल पडले आहे.
कोल्हापूर शहराला काळम्मावाडी धरणातून थेट पाईपलाईनद्वारे पाणी पुरविण्याची ही महत्त्वाकांक्षी योजना आहे. त्यातील महत्त्वाचा अडथळा सोळांकूर गावातील पाईपलाईन होता. या योजनेची पाईपलाईन गावातून टाकण्यास ग्रामस्थांनी विरोध केला होता. आता या गावातून पाईपलाईन टाकण्यास प्रारंभ झाला.
सुमारे ५२ किलोमीटरची पाईपलाईन आहे. सोळांकूर येथे १४०० मीटर पाईपलाईनचे काम बाकी आहे. त्यापैकी ४०० मीटर काम गावातून आहे. या कामास आता सुरवात झाली असून, ते जानेवारीअखेरीपर्यंत संपेल.
महापालिका प्रशासक डॉ. कादंबरी बलकवडे, अतिरिक्त आयुक्त नितीन देसाई, प्रकल्प अधिकारी तथा उपशहर अभियंता हर्षजित घाटगे यांनी सोळांकूरचे सरपंच आर. वाय. पाटील, सदस्यांशी गावात जाऊन चर्चा केली होती. त्यातून तोडगा निघाल्यानंतर ग्रामस्थांनी काम पूर्ण करण्याची परवानगी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.