कबनूर (कोल्हापूर) - तिळवणी (ता. हातकणंगले) ग्रामपंचायतीची सरपंच, उपसरपंचांची निवड झाली. पण जिल्हा परिषदेने ग्रामपंचायत कारभाराचे विशेष लेखापरीक्षण केल्याशिवाय खुर्चीत बसणार नाही अशी नवीन उपसरपंचांनी प्रतिज्ञा घेतल्याने सारे अवाक झाले. 

ताराराणी सुराज्य आघाडीने सत्तांतर घडवले. निवडणूक निर्णय अधिकारी जितेंद्र वसगडेकर यांच्या अध्यक्षतेखाली झालेल्या बैठकीत सरपंचपदी राजेश बाबासाहेब पाटील तर उपसरपंचपदी दीपक दिलीप गायकवाड यांची बहुमताने निवड झाली.

निवडीनंतर वसगडेकर यांनी उपसरपंच गायकवाड यांना उपसरपंचांच्या खुर्चीत बसण्यास सांगितले. तथापि गायकवाड यांनी उपसरपंचांच्या खुर्चीत बसण्यास नकार दिला. वीस वर्षांत ग्रामपंचायतीत झालेला भ्रष्टाचार व त्याची चौकशी सुरू असून जिल्हा परिषदेने ग्रामपंचायत कारभाराचे विशेष लेखापरीक्षण केल्याशिवाय मी खुर्चीत बसणार नाही, अशी प्रतिज्ञा केली असल्याचे सांगितले.

हे पण वाचा -  इचलकरंजीची निधी देशात अव्वल; वस्त्र नगरीच्या शिरपेचात मानाच तुरा

संपादन - धनाजी सुर्वे