कोल्हापूर : कोल्हापूर शहर (Kolhapur city)आणि परिसरात आज दुपारी पावसाला (Rain) सुरुवात झाली. सगळीकडेच अंधाराचे साम्राज्य निर्माण झाले आहे . सकाळपासूनच वातावरणात उष्मा प्रचंड होता.मात्र दुपारी दोन नंतर ढगाळ वातावरण झाले त्यानंतर काळ्याकुट्ट ढगांचे साम्राज्य निर्माण झाले आणि पावसाला सुरुवात झाली.kolhapur-rain-update-news

जिल्ह्याच्या बहुतांश भागात ही अशीच स्थिती आहे. आज केरळमध्ये मान्सून (Monsoon in Kerala)दाखल झाला आहे. हा पाऊस येत्या 11 तारखेपर्यंत महाराष्ट्रात दाखल होण्याची शक्यता आहे. गेले दोन-तीन दिवस पाऊस आणि लगेच दाखल होणार मान्सून शेतकऱ्यांची धांदल उडाली आहे.

हेही वाचा- राज्याभिषेक सोहळा घरीच साजरा करा; संभाजीराजेंचे आवाहन

आजपासून केरळात पावसाचा जोर अधिक वाढण्याचा अंदाज, हवामान विभागानं वर्तवला आहे. महाराष्ट्रातही मान्सून पूर्व पावसाचा अंदाज वर्तवण्यात आला आहे. पुढील दोन (आज, उद्या) दिवस अर्ध्या महाराष्ट्रात पाऊस कोसळणार आहे. कोकण आणि मध्य महाराष्ट्रात अनेक ठिकाणी, तर मराठवाडा आणि विदर्भात काही ठिकाणी पावसाची शक्यता व्यक्त करण्यात आली आहे.

दुपारी आलेल्या मान्सूनपूर्व पावसाने जिल्हावासियांना चांगलाच दिलासा दिला. प्रचंड उष्म्यामुळे कासावीस झालेल्या नागरिकांना पावसाचा सुखद गारवा मिळाला. शहर व परिसरात तसेच जिल्ह्याच्या पूर्वभागात चांगला पाऊस झाला.