कोल्हापूर : जिल्ह्यातील कोरोनाची (covid -19) दुसरी लाट अजूनही ओसरलेली नाही. तिसऱ्या लाटेसह डेल्टा प्लस विषाणूंच्या संसर्गाचा मोठा धोका संभवत आहे. या पार्श्‍वभूमीवर राज्य (kolhapur district) शासनाने जिल्हा अजूनही कोरोनानिर्बंधांच्या तिसऱ्या स्तरात ठेवला. या स्तरात सांगली, सातारा, पुणे, सोलापूर, रायगड, सिंधुदुर्ग, रत्नागिरी, पालघर, बीड व नगर या जिल्ह्यांचा समावेश आहे. या सर्व जिल्ह्यांत सर्व व्यवहार सकाळी सात ते दुपारी चारपर्यंत सुरू ठेवण्याच्या सूचना राज्य शासनाने दिल्या आहेत. राज्यातील अन्य २५ जिल्ह्यांतील निर्बंध शिथिल केले असून, तेथील व्यवहार सकाळी सात ते रात्री आठपर्यंत सुरू राहतील. (weekend lockdown)

कोल्हापूर जिल्ह्यातील कोरोना रुग्णसंख्या व्हावी, यासाठी विविध उपाय केले जात आहेत. कोरोना रुग्णसंख्या कमी करणे, मृत्यूदर कमी करणे तसेच लसीकरणही मोठ्या प्रमाणात व्हावे, यासाठी जिल्हा प्रशासन, जिल्हा परिषद, सीपीआर, आरोग्य विभाग शर्थीचे प्रयत्न करीत आहे. दरम्यान, राज्यातील ज्या जिल्ह्यातील कोरोना रुग्णसंख्या कमी येत आहे किंवा आली आहे, अशा जिल्ह्यातील सर्व व्यवहार सकाळी सात ते रात्री आठपर्यंत सुरू ठेवले. ज्या ठिकाणी रुग्ण कमी येत नाहीत, तेथे ज्या-त्या स्तरातील नियम लागू केले आहे.

यात कोल्हापूरला तिसऱ्या स्तरातील नियम लागू करण्यात आले आहेत. त्यामुळे सर्व व्यवहार सकाळी सात ते दुपारी चारपर्यंत सुरू असतील. त्यानंतर जिल्ह्यात संचारबंदी असेल. तसेच, शनिवार आणि रविवार पूर्ण लॉकडाउन असेल. या नियमांचे पालन करावे लागणार आहे. शासनाने दिलेल्या नियमांचे जे पालन करणार नाहीत, अशांवर दंडात्मक व कायदेशीर कारवाई केली जाईल. त्याचवेळी आठवड्यातील शनिवार आणि रविवारी अत्याश्‍यक सेवा वगळता सर्व व्यवहार बंद राहतील. जे नियमांचे पालन करणार नाहीत, अशांवर कायदेशीर कारवाई केली जाणार आहे.