कोल्हापूर : विनाकारण रस्त्यावर फिरणाऱ्यांची रवानगी आता थेट पोलिस (Kolhapur Police Station)ठाण्यात करण्यात येईल. संबंधित घटकांवर खटले दाखल करून तातडीने दोषारोपपत्र सादर करण्यात येई, असा इशारा पोलिस अधीक्षक शैलेश बलकवडे (Superintendent of Police Shailesh Balkwade) यांनी पत्रकारांशी बोलताना दिला.

lockdown update kolhapur marathi news

जिल्ह्यात शनिवार (15) रात्री पासून कडक लॉकडाउन लागू केला आहे. कोरोना संसर्गाचा मुकाबला करण्यासाठी प्रशासन प्रयत्नशील आहे. संचारबंदीच्या काळात रस्त्यावर विनाकारण फिरू नका याबाबत पोलिस प्रशासनाने प्रबोधन आणि नंतर कारवाईचा बगडा उगारला; पण रस्त्यावर विनाकारण करणाऱ्यांची संख्या अद्याप कमी झालेली नाही.

हेही वाचा- Success Story:सेंद्रियचा गोडवा पोहचला लंडनच्या दारात; वयाच्या ७२ व्या वर्षी आणले यश खेचून

कडक लॉकडाउन काळात मात्र विनाकारण रस्त्यावर फिरणाऱ्यांची आता गय केली जाणार नाही. त्यांची आता थेट रवानगी पोलिस ठाण्यात केली जाईल. संबंधितांविरोधात नियमावलीचे पालन न केल्याबाबत थेट खटले दाखल करण्यात येतील. तसेच यासंबंधीचे दोषारोप पत्र तातडीने न्यायालयात सादर केले जातील असे बलकवडे यांनी स्पष्ट केले.

त्या कर्मचाऱ्यांवरही वॉच

लॉकडाउन काळात फक्त अत्यावश्यक सेवेतीलच शासकीय कर्मचारी व्यतिरिक्त इतर ओळखपत्र गळ्यात घालून फिरणाऱ्या कर्मचाऱ्यांची चौकशी केली जाईल. असे कर्मचारी रस्त्यावर दिसल्यास त्यांच्यावर कारवाई होण्याच्या अनुषंगाने संबंधित विभाग प्रमुखांकडे अहवाल पाठवला जाईल असे बलकवडे यांनी सांगितले.

lockdown update kolhapur marathi news