८५०५९
कोल्हापूर ः राज्य कृषी पणन मंडळातर्फे भरवलेल्या आंबा महोत्सवास मंगळवारी जिल्हाधिकारी अमोल येडगे यांनी भेट दिली.
...
गूळ, काजू, घनसाळसाठीही महोत्सव भरवावेत
जिल्हाधिकारी ः आंबा महोत्सवास भेट

कोल्हापूर, ता. २१ : ‘कृषी पणन मंडळाने भरविलेल्या आंबा महोत्सवाद्वारे शेतकऱ्यांना थेट ग्राहकापर्यंत पोहचून आंबा विक्री करता येते. यातून आंबा उत्पादकांच्या व्यवसायाला नवी दिशा मिळत आहे. याच धर्तीवर जिल्ह्यातील शेती उत्पादनाला बाजारपेठ मिळवून देण्यासाठी असे महोत्सव भरविण्यास प्रोत्साहन दिले जाईल’, असे मत जिल्हाधिकारी अमोल येडगे यांनी व्यक्त केले.
महाराष्ट्र राज्य कृषी पणन मंडळातर्फे ‘उत्पादक ते ग्राहक योजनेत सुरू असलेल्या आंबा महोत्सवाला जिल्हाधिकारी येडगे यांनी भेट दिली. यावेळी ते बोलत होते. आंबा महोत्सवामध्ये सहभागी झालेल्या आंबा उत्पादकांचे त्यांनी कौतुक केले.
‘कृषी पणन मंडळ शेतकऱ्यांना अशा प्रकारच्या महोत्सवाच्या माध्यमातून उत्पादन विक्रीस एक नवी दिशा देण्याचे काम होत आहे. कोल्हापूर जिल्ह्यात उत्पादित होणारा गूळ, काजू, आजरा घनसाळ, काळा जिरगा आदी शेतमालाच्या मार्केटिंगकरिता राज्याच्या विविध शहरांच्यामध्ये असे महोत्सव आयोजित करावेत’, असेही येडगे यांनी सुचविले.
यावेळी कृषी पणन मंडळाचे प्रतीक गोणुगडे, अनुप थोरात, प्रसाद भुजबळ, ओंकार माने, अनिल जाधव, संदेश पिसे आदी उपस्थित होते. पणन मंडळाचे उपसरव्यवस्थापक डॉ. सुभाष घुले यांनी जिल्हाधिकाऱ्यांचे स्वागत केले.