कोल्हापूर : शिवाजी विद्यापीठातील सर्दी आणि खोकला असणाऱ्या अधिकारी व प्रशासकीय कर्मचाऱ्यांना मास्कचा पुरवठा केला जात आहे. ज्यांचे आरोग्य सुदृढ आहे, त्यांनी मास्क वापरण्याची गरज नाही. कॅश व कागदपत्रे हाताळणाऱ्या कर्मचाऱ्यांनी हात वारंवार धुवावेत, ही सूचना केली आहे, अशी माहिती आरोग्य केंद्राच्या अधिकारी डॉ. व्ही. ए. रानडे यांनी दिली.
विद्यापीठाला भेट देणाऱ्या व्हिजिटर्सनासुद्धा मास्कचा पुरवठा केला जात असल्याचेही त्यांनी सांगितले. कोरोनाचा प्रादुर्भाव टाळण्यासाठी विद्यापीठात प्रतिबंधात्मक पावले उचलली आहेत. आरोग्य केंद्रातर्फे सर्दी-खोकला असणाऱ्या कर्मचाऱ्यांना मास्क व सॅनिटायझरचा पुरवठा केला जात आहे. कर्मचारी केंद्रात जाऊन मास्क घेत आहेत.
प्रशासकीय कामकाज सुरू असल्याने कर्मचारी हजर राहून कामाचा निपटारा करत आहेत. कोरोनापासून बचाव करण्यासाठी अधिकारी-कर्मचारी हस्तांदोलन न करणे, वारंवार हात धुणे, एकत्रित येऊन चर्चा करणे टाळत असल्याचे चित्र आहे.
दृष्टिक्षेपात विद्यापीठ कर्मचारी
* प्रशासकीय अधिकारी आणि प्राध्यापक- 262
* कायम कर्मचारी : 550
रोजंदारी कर्मचारी- 600
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.