कोल्हापूर - वारणा खोऱ्यात आज भूकंपाचे सौम्य धक्के जाणवले. कोयना किरनॉस भूकंप वेधशाळेत ई.एम.एस या भूकंप मापन यंत्रावर भूकंपाचे 2.3 रिश्‍टर स्केलचे धक्के जाणवल्याची नोंद आहे. वारणा खाऱ्यात जावळे गावच्या दक्षिणेला याचा केंद्रबिंदू आहे. याचा कोयना धरणाला कोणताही धोका नसल्याचेही तज्ञांनी स्पष्ट केले आहे.
वारणा परिसरात आज पहाटे 4.06 मिनिटांने हे धक्के जाणवले. दरम्यान, यामुळे कोणतीही हानी झालेली नाही. तसेच कोयना धरणाला यापासून कोणताही धक्का नसल्याचेही स्पष्ट करण्यात आले आहे. त्यामुळे, नागरिकांनी घाबरू नये, असेही आवाहन करण्यात आले आहे.