इचलकरंजी - दारू पिऊन वारंवार त्रास देणाऱ्या स्वतः च्या मुलाचा डोक्यात दगड घालून आईने खून केल्याची घटना येथील नजीकच असलेल्या कोरोची या गावी घडली. रविशंकर तेल शिंगे (वय 34) असे या युवकाचे नाव आहे .काल रात्री हा प्रकार घडला. उपचार सुरू असताना मुलाचा आज सकाळी मृत्यू झाला.

पोलिसांनी सांगितले की कोरोची येथील तीन विहिरी लगत लक्ष्मी तेलशिंगे (वय 54) व त्यांचे कुटुंबीय राहतात. लक्ष्मी यांचा मुलगा रविशंकर हा दारू पीत होता. तो वारंवार घरामध्ये त्रास करत होता. या त्रासाला कंटाळूनच आईने रात्री स्वतःच्याच मुलाच्या डोक्यात तिने दगड घातला. या मध्ये हा मुलगा गंभीर झाला त्याला तातडीने कोल्हापूरच्या सीपीआर रुग्णालयात दाखल करण्यात आले मात्र उपचार सुरू असताना त्याचे आज पहाटे निधन झाले. याबाबत इचलकरंजीतील शहापूर पोलीस ठाण्यात नोंद झाली आहे.पोलीसांनी लक्ष्मी याना ताब्यात घेतले आहे.

वाचा - पोटाची काळजी करायची, की जिवाची !