कसबा बावडा - मुलाच्या लग्नाची तयारी गेली पंधरा दिवस सुरू होती. सोमवारपासून घरात देवकार्यालाही प्रारंभ झाला होता. मुलाला हळदी लागणार होत्या आणि आज तो विवाहबद्ध होणार होता. मात्र, काल अनपेक्षितपणे आई श्रीमती मंगल बाबासो गायकवाड (वय ६५) यांचा रक्तदाब कमी झाला आणि पहाटे त्यांनी अखेरचा श्वास घेतला. हळदीदिवशीच घडलेल्या या प्रकाराने येथील वेताळे गल्लीतील गायकवाड (यळगावकर) परिवाराचा सारा गोतावळा हळहळला.
सर्वांवरच दुःखाचा डोंगर कोसळला
गायकवाड यांना तीन मुली. मुलींसह जावई आणि सारा गोतावळा लगीनघाईत आहे. मुलगा प्रशांतच्या लग्नाच्या निमित्ताने या साऱ्या मंडळींनी विवाह सोहळ्याची जय्यत तयारी केली. घराला मंगलतोरण बांधले गेले. मुहूर्तमेढ झाली. मंडप सजून विविध धार्मिक कार्यक्रमांनाही प्रारंभ झाला होता. सनई-चौघड्याच्या सुरांनी सारा माहौल भारलेला असतानाच सर्वांवरच दुःखाचा डोंगर कोसळला. नियतीच्या या अनपेक्षित आघाताने उद्या (गुरुवारी) लग्नादिवशीच आता रक्षाविसर्जन करण्याची वेळ या कुटुंबीयांवर आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.