कोल्हापूर : ‘लोकशाहीर अण्णा भाऊ साठे यांनी समाजातील शोषित आणि दुर्लक्षित वर्गासाठी आपल्या लेखणीतून आवाज उठवला आणि सामाजिक न्यायाची चळवळ मजबूत केली. अण्णा भाऊ साठे (Anna Bhau Sathe) यांचे केवळ साहित्यिक योगदान नसून, सामाजिक परिवर्तनामध्ये त्यांनी मोठी कामगिरी केली आहे. त्यामुळेच त्यांना ‘भारतरत्न’सारख्या सर्वोच्च नागरी पुरस्काराने सन्मानित करावे,’ अशी आग्रही मागणी खासदार धनंजय महाडिक यांनी के

राज्यसभेत बोलताना महाडिक (Dhananjay Mahadik) म्हणाले, ‘अण्णा भाऊ साठे यांनी ३५ कादंबऱ्‍या, १० लोकनाट्य, २४ लघुकथा, १० पोवाडे, एक नाटक आणि प्रवासवर्णन लिहिले आहे. बालविवाह आणि हुंडा प्रथेला विरोध, अंधश्रद्धा निर्मूलन, जातीय भेदभाव, श्रमिकांचा संघर्ष याबाबत त्यांनी लेखणीतून आवाज उठवला.

त्यांच्या साहित्याचा रशियन, जर्मन, पॉलिश भाषेत अनुवाद झाला आहे, तर महिला, दलित, शोषित, पीडित यांच्या उद्धारासाठी त्यांनी प्रयत्न केले. साहित्यरत्न, महाराष्ट्र भूषण आणि लोकशाहीर अशी उपाधी मिळालेल्या अण्णा भाऊ साठे यांना केंद्र सरकारने भारतरत्न हा सर्वोच्च नागरी सत्कार बहाल करावा.’