कोल्हापूर: सकाळी सकाळी माॅर्निक वाॅकला जात असताना प्रत्येकाच्या सवई वेगळ्या असताता. कोणाला मित्रांसोबत जायचं असत तर कोणाला कुटुंबासोबत, काहींना तर पाळीव कुत्र्यांसोबत जायचं असत.  मात्र ही हौस आता येणार अंगलट.पाळीव प्राण्याने रस्त्यावर घाण केल्यास त्याच्या मालकाला १५० रुपये दंडाची आकारणी महापालिका करणार आहे. व्यावसायिकांनी आजूबाजूला कचरा टाकल्यास, पाण्याच्या ठिकाणी कचरा टाकल्यास अथवा ओला तसेच सुका असे कचऱ्याचे वर्गीकरण न केल्यास १५० रुपये दंड होणार आहे.

महापालिकेचा निर्णय; घाण केल्यास मालकाला दंड

सकाळी तसेच सायंकाळी पाळीव कुत्री घेऊन फिरायला नागरिकांच्या संख्येत वाढ झाली आहे. अन्य लोक व्यायामासाठी येतात याचे भान कुत्र्यांच्या मालकांना नसते. कुत्री वाटेत घाण करतात आणि त्याचा मनःस्ताप लोकांना सहन करावा लागतो. कुत्री पाळण्याचा छंद काहींनी असला तरी सार्वजनिक ठिकाणे कुत्री फिरविण्यासाठीच आहेत असा काहींचा गैरसमज झाला आहे.

विक्रेत्यांसह कुत्र्यांचे मालकही रडारवर
 
कुत्र्यांप्रमाणे भटक्‍या जनावरांचा वाहतूकीसाठी अडथळा ठरत आहे. दिवसभर रस्त्यावर सोडलेली जनावरे सायंकाळी मालकाच्या घरी परतात. पाळीव प्राणी मग तो कोणतीही असोत त्यांनी घाण केल्यास थेट मालकाला दंड करण्याचा निर्णय पालिकेने घेतला आहे. शहराच्या विविध भागात खाद्यपदार्थांच्या गाड्या लागल्या आहेत. ते कचरा लगतच्या रस्त्यावर टाकतात. असा कचरा आढळल्यास संबंधिताला दीडशे रुपयांचा दंड भरावा लागेल. तलाव.

नदी, पाणवठे येथेही कचरा टाकल्यास याच पटीत संबंधिताला दंड होणार आहे. प्रत्येक प्रभागात कचरा उठावासाठी घंटागाडी येतात. तेथेच ओला आणि सुका असे कचऱ्याचे वर्गीकरण महत्वाचे आहे. तसे न करता कचरा टाकला गेल्यास संबंधिताला दीडशे रुपयांचा दंड होईल.

संपादन- अर्चना बनगे