कोल्हापूर: नवरात्रोत्सवाच्या दुसऱ्या दिवशी आज करवीर निवासिनी श्री अंबाबाईची पराशरांना महाविष्णूस्वरूपात दर्शन या रूपात सालंकृत पूजा बांधण्यात आली. दरम्यान, येथील प्रसिध्द बांधकाम व्यावसायिक अजयसिंह देसाई यांनी बारा तोळ्याची सोन्याची ठुशी अर्पण केली. या ठुशीची किंमत सहा लाख वीस हजार रूपये इतकी आहे.
श्री. देसाई यांनी देवस्थान समितीचे अध्यक्ष महेश जाधव यांच्याकडे दोन ठुशी सुपूर्द केल्या. दहा तोळ्याची ठुशी मुख्य मुर्तीसाठी तर दोन तोळ्याची ठुशी उत्सव मूर्तीसाठी अर्पण केल्याचे यावेळी देसाई कुटुंबीयांनी सांगितले. यावेळी देवस्थान समिती सदस्य शिवाजीराव जाधव, राजेंद्र जाधव, अंजली देसाई, अभिषेक देसाई, ऋतुजा देसाई, सचिव विजय पोवार, सहसचिव शितल इंगवले, मंदिर व्यवस्थापक धनाजी जाधव आदी उपस्थित होते.
दुपारी देवीची "पराशरांना महविष्णुस्वरूपात दर्शन' रुपातील पुजा बांधण्यात आली. धार्मिक ग्रंथामध्ये केलेल्या या रुपातील वर्णनानुसार पराशरांना महाविष्णूस्वरुपात देवीने दर्शन देवून त्यांच्या मनातील संशय भेदभाव दूर केला. त्यानुसार मुनी देवीला विष्णूस्वरुपिनी जाणून तिच्यापुढे नतमस्तक होतात व तिची अष्टकाने स्तुती करतात. या रुपामध्ये देवी जगाच्या पालनकर्त्याच्या रुपात भाविकांना दर्शन देते. देवी गरुडावर बसलेली असून तिच्या हातामध्ये शंख-चक्र अशी आयुधे असल्याचे श्रीपूजक माधव मुनीश्वर, मकरंद मुनीश्वर यांनी सांगितले.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.