कोल्हापूर : बालिंगा-गगनबावडा (Balinga-gaganbawda) मार्गावर बालिंगा पुलाजवळ उसाची ट्रॉली पलटी झाल्यामुळे वाहतूक ठप्प झाली आहे. रस्त्यावर सर्वत्र ऊस पसरल्यामुळे दुचाकी वाहनही जात नाही. वाहतूकदार रस्त्यावर विखुरलेला ऊस बाजूला करत आहेत. हा रस्ता खूपच खचला आहे. वारंवार हा रस्ता व्हावा अशी मागणी केली जाते. (Kolhapur News) मात्र अद्यापही या रस्त्याकडे सार्वजनिक बांधकाम विभागाने लक्ष दिलेले नाही ,अशी संतप्त प्रतिक्रिया वाहतूकदारांनी व्यक्त केली आहे. दरम्यान, या अपघातात सुदैवाने कोणतीही जीवित घटना घडलेली नाही. (Accident news) मात्र यामुळे सुमारे एक तास वाहतुकीची कोंडी झाली असून वाहनांच्या रांगा लागल्या आहेत. या परिसरातील अनिल घराळ, वाहक जितेंद्र इंगवले, एस. ए. पाटील, प्रमोद दिवसे, काहींनी ट्रॉली ऊस बाजूला घेण्याचे प्रयत्न करत आहेत.