कोल्हापूर : कोरोनाग्रस्तावर उपचार करू नयेत यासाठी टाकाळा येथील रुग्णालयावर दगडफेक करणाऱ्या संशयितास आज राजारामपुरी पोलिसांनी अटक केली. प्रथमेश मस्कर असे त्याचे नाव आहे.

याबाबत पोलिसांनी दिलेली माहिती... 

टाकाळा येथे सिद्धिविनायक हॉस्पिटल आहे या हॉस्पिटलमध्ये कोरोनाग्रस्तावर उपचार सुरु होते. संबंधित कोरोनाग्रस्तावर उपचार केले जाऊ नयेत यासाठी काही जणांचा विरोध होता यातूनच 18 जुलै रोजी रात्री अज्ञाताने हॉस्पिटलच्या दर्शनी भागात वीट फेकून मारली होती. 

हेही वाचा- शेती करीत मिळवले विज्ञान शाखेत 94 टक्के, वाचा चंदगड तालुक्यातील तरूणाचा परिस्थितीशी झगडा... -

याबाबत हॉस्पिटल प्रशासनाने राजारामपुरी पोलिसात तक्रार दिली होती त्या अनुषंगाने पोलिस संशयिताचा शोध घेत होते आज पोलीस निरीक्षक नवनाथ घोगरे यांच्या मार्गदर्शनाखाली पोलीस उपनिरीक्षक अभिजित गुरव यांनी दगडफेक येथील संशयीत प्रथमेश मस्कर याला अटक केली.

संपादन - अर्चना बनगे