बेळगाव - सौंदत्ती यल्लम्मा देवीच्या यात्रेनिमित्त येणाऱ्या भक्‍तांना सुरक्षेच्या दृष्टिकोनातून पोलिसांनी आवाहन केले आहे. यात्रेसाठी अनेक राज्यांतून भाविक मोठ्या संख्येने यल्लम्मा डोंगरावर येत असतात. त्यामुळे डोंगरावर मोठी गर्दी होत असून अनेकवेळा लहान-मोठे अपघात होत आहे. त्याचबरोबर वाहतुकीची कोंडीही होत आहे. त्या पार्श्वभूमीवर वेगवेगळ्या वाहनांतून येणाऱ्या भाविकांसाठी पोलिसांनी विविध सूचना केल्या आहेत. 

यात्रेकरुंसाठी सूचना

•  यात्रेला ट्रॅक्‍टरच्या दोन ट्रॉली घेऊन येण्यास बंदी
•  भक्‍तांनी अंगावर दागिने परिधान करणे टाळावे. 
•  मोठी वाहने दूर ठेवून लहान वाहनाद्वारे जोगनभावीवर यावे. 
•  डोंगरावर मद्यविक्री, जुगार आणि मांस सेवनास पूर्ण निर्बंध. 
•  लहान मुले व वयोवृध्द सोबत असल्यास काळजी घ्यावी.
• मंदिराकडे येणाऱ्या रस्त्यावर कारणावरुन वाहने उभी करु नयेत.

सुरक्षेच्या दृष्टिकोनातून हा निर्णय घेण्यात आला आहे. त्याचे उल्लंघन करणाऱ्यांवर कारवाई करण्यात येईल. यात्रेनिमित्त डोंगरावर भाविकांची गर्दी होत आहे. तसेच लहान-मोठ्या अपघातांच्या घटनाही घडत असून चोरट्यांपासून दागिने जपून ठेवण्यासाठी अंगावर दागिने परिधान करू नयेत. भक्‍तांनी पोलिसांना सहकार्य करावे.
-शंकरगौडा पाटील, पोलिस उपअधीक्षक, रामदुर्ग