बांबवडे (कोल्हापूर) : सावधान शाहुवाडी पर्यटनासाठी येताय? तर तुम्हाला खिंडीत आडवले जाऊ शकते, ही भिती लोकांच्यात आहे. याचे कारण आहे ते म्हणजे पोलिस. कधी महामार्ग पोलिस तर कधी स्थानिक पोलिस किंवा होमगार्ड प्रवाशांना गाडीच्या पासिंगवरुन आडवतात. नेमके  बाहेरील पासिंग हेरून गाडीचे कागदपत्रे मागतात. मग कागदपत्रे नसले की, पावत्या आणि दंड आकारले जातात. या भागातील भाडळे, जुळेवाडी, गोगवे ठिकाणच्या पोलिस पर्यटकांची खिंड रोखतात.
   
शाहुवाडी तालुक्यात भाडळे, गोगवे, मलकापूर, करंजोशी अशा गावा बाहेरील रस्त्यावर आणि खिंडीत थांबून पोलिसांची कारवाई सुरु आहे. भाडळे खिंड ही शाहुवाडी, पन्हाळा तालुक्यांची सीमेवर आहे. याठिकाणी महामार्गावर पोलिस असतात. शाहुवाडी तालुक्यामध्ये विशाळगड, आंबा, पावनखिंड, उदगीरी, जुगाई, धोपेश्वर अशी ऐतिहासिक, नैसर्गिक, धार्मिक पर्यटन स्थळे आहेत. त्यामुळे महाराष्ट्राच्या कानाकोपऱ्यातुन लोकं पर्यटनासाठी येत असतात. अशा गळचेपी कारवाईमुळे पर्यटक कमी होत असुन काही लोकांना नाहक त्रास सहन करावा लागत आहे. परंतु पोलिसांना विचारणार कोण? हा प्रश्न लोकांना पडत आहे. 

हेही वाचा - साहेब, तुमच्या उलटा नाही तर शिलेदार म्हणून काम करू -

"महामार्गावर नियमबाह्य वाहनांच्या पावत्या करण्यासाठी आम्ही येथे आलो आहोत."

- श्रिकांत शिंदे, महामार्ग पोलीस शिपाई