श्रमदान शिबिराचे
वाघवेत आयोजन
पोर्ले तर्फ ठाणे; ता. ८ ः आसुर्ले-पोर्ले (ता.पन्हाळा) येथील कला वाणिज्य विज्ञान महाविद्यालयाच्यावतीने वाघवे (ता. पन्हाळा) येथे शिवाजी विद्यापीठांतर्गत राष्ट्रीय सेवा योजना श्रमदान शिबीर राबविण्यात आले. आठवडाभर चाललेल्या या शिबिरांतर्गत गावात ग्रामस्वच्छता, मोफत डोळे तपासणी शिवाय कृषी तंत्रज्ञान, दुग्ध व्यवसाय, ऊस पाचट व्यवस्थापन, व्यसनमुक्ती या विषयावर विविध तज्ञाचे मार्गदर्शन झाले. कार्यक्रमाच्या अध्यक्षस्थानी मेजर अशोक कांबळे होते.
यावेळी प्रमुख वक्ते कृषीधिकारी बंडोपंत कुंभार आणि प्रशांत वडे यांनी मार्गदर्शन केले. संस्थाध्यक्ष प्राचार्य एन.डी चौगुले, सरपंच प्रदीप पाटील, उपसरपंच उषा कांबळे, संस्था सचिव अलका चौगुले, सहसचिव ए.ए.घाडगे आदींसह ग्रामपंचायत सदस्य, प्राध्यापक, विद्यार्थी, विद्यार्थींनी, ग्रामस्थ उपस्थित होते.