कोल्हापूर - आशिया खंडातील नावाजलेला शेतकरी सहकारी संघाच्या नूतन अध्यक्षपदी जी. डी. पाटील यांची बिनविरोध निवड झाली. शेतकरी संघाच्या मुख्य कार्यालयात श्री.मालगावे यांच्या अध्यक्षतेखाली ही निवड झाली. निवड होताच कार्यकर्त्यांनी जल्लोष केला. ग्रामविकास मंत्री हसन मुश्रीफ, आमदार पी.एन. पाटील व आमदार विनय कोरे यांनी बंद पाकिटात हे नाव दिले. त्यानंतर संघाच्या कार्यालयात याचे वाचन करण्यात आले.
शेतकरी सहकारी संघाच्या अध्यक्षपदासाठी काल चार संचालकांनी ग्रामविकासमंत्री हसन मुश्रीफ यांची भेट घेतली होती. विद्यमान उपाध्यक्ष बाबासाहेब पाटील-भुयेकर, जी. डी. पाटील, राजू पाटील-टाकवडेकर व विनोद पाटील यांनी अध्यक्षपद मिळावे, अशी मागणी केली. दरम्यान, श्री मुश्रीफ आणि आमदार पी. एन. पाटील यांनी जी. डी. पाटील यांना अध्यक्षपद देण्याचे निश्चित केले होते. आज त्यावर शिक्का मोर्तब झाला. आज श्री. मुश्रीफ यांच्या उपस्थितीत संघाच्या मुख्य कार्यालयात अध्यक्ष निवड झाली.
जी. डी. पाटील यांच्याकडे मोठ्ठा अनुभव
गेल्या अनेक वर्षापासून जी. डी. पाटील हे राष्ट्रावादी आणि काँग्रेस पक्षासाठी काम करत आहेत. तसेच त्यांच्याकडे असणाऱ्या संस्था चालविण्याचा अनुभव, कर्मचाऱ्यांना विश्वासात घेवून संघ वाढीसाठी फायदा होवू शकणार असल्याचे विचार करूनच जी. डी. पाटील यांना हे पद दिले गेले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.