कोल्हापूर : मुख्यमंत्र्यांनी संजय राठोड यांच्यावर कारवाई केली नाही. तर विधिमंडळात त्यांना बोलू देणार नाही. असा इशारा भारतीय जनता पार्टीचे प्रदेशाध्यक्ष चंद्रकांत पाटील यांनी पत्रकार परिषदेत दिला. पूजा चव्हाण यांच्या आत्महत्या प्रकरणी संजय राठोड यांच्यावर भारतीय जनता पार्टीने आरोप केले आहेत. आज  ते कोल्हापुरात बोलत होते. 

या प्रकरणी आज चंद्रकांत पाटील म्हणाले, महाराष्ट्र हा संतांचा प्रदेश आहे. एका युवतीला अशाप्रकारे जीव गमवावा लागणं ही शरमेची बाब आहे. सरकार त्यांना पाठीशी घालते हे त्याहूनही वाईट आहे. मुख्यमंत्र्यांनी या प्रकरणी तोंड उघडलं नाही तर अधिवेशनात आहे त्यांना तोंड उघडू देणार नाही. मुख्यमंत्र्यांनी तात्काळ राठोड यांना मंत्रिमंडळातून काढून टाकले पाहिजे.

हेही वाचा - विकासासाठी झटून कामाला लागा ; शरद पवार यांचा सांगलीच्या महापौरांना सल्ला -

चित्रा वाघ यांना धमकावण्याचा प्रयत्न

चित्रा वाघ यांच्या पतीवर आर्थिक गैरव्यवहाराचे आरोप आहेत. चित्रा वाघ यांनी राठोड प्रकरणांमध्ये आवाज उठवला. त्यावेळी त्यांना पतीच्या चौकशीची भीती दाखवण्याचा प्रयत्न सरकारकडून होत आहे. ही दडपशाही खपवून घेतली जाणार नाही असेही पाटील यांनी सांगितले.