कोल्हापूर - पाच हजार रूपयांची लाच घेताना पोलिस उप निरीक्षक लाचलुचपतच्या जाळ्यात अडकला आहे. चंद्रकांत श्रीपती भोसले (वडगाव, जिल्हा कोल्हापूर, रा. प्लॉट न 30 भोसलेवाडी कोल्हापूर) असे कारवाई झालेल्या पोलिस उप निरीक्षकाचे नाव आहे. 

याबाबत अधिक माहिती अशी, वडगाव पोलिस ठाण्यात दाखल करण्यात आलेल्या तक्रारीत मदत करण्यासाठी पाच हजार रूपयांची मागणी केली होती. त्यामुळे तक्रारदारांनी लाचलुचपत विभागात याची तक्रार दाखल केली. त्यानुसार लाचलुचपत विभागाने खातरजमा करून आज (दि. ११ ) सापळा रचला आणि मागणी केलेल्या लाचेची रक्कम घेताना भोसले याला रंगेहाथ पकडले. 

हे पण वाचा -  पेट्रोल-डिझेल होणार आता शंभर रुपये लिटर ; दर राहणार चढेच

ही कारवाई पोलिस उप अधीक्षक आदिनाथ बुधवंत, पोलिस निरीक्षक युवराज सरनोबत,सहा पोलिस बबंरगेकर, पोलिस हेड काॅनस्टेबल शरद पोरे,  पोलिस  नाईक नवनाथ कदम, पोलिस नाईक सुनिल घोसाळकर यांनी लाचलुचपत प्रतिबंधक विभग अधिकारी राजेश बनसोडे, पोलिस अधीक्षक सुरज गुरव , अपर पोलिस अधीक्षक सुहास नाडगौडा यांच्या मार्गदर्शनाखाली केली.  

संपादन - धनाजी सुर्वे