चंदगड,: किणी (ता. चंदगड) येथील शाळेत क्वारंटाईन केलेल्या परशराम ताशीलदार या तरुणाने दिवसभर शालेय बगिचा आणि पटांगण स्वच्छतेचे काम हाती घेतले आहे. गेल्या काही दिवसात त्याच्या या कामामुळे तेथील स्वच्छता आणि बगिचा लक्ष वेधून घेत आहे.
शहरातून गावाकडे आलेल्या परशराम याला स्थानिक दक्षता समितीने क्वारंटाईन होण्याची सूचना दिली. त्याला संस्थात्मक क्वारंटाईन करण्यात आले. त्यासाठी गावच्या शाळेत व्यवस्था करण्यात आली. दिवसभर मोठा वेळ उपलब्ध असताना मोबाईलच्या माध्यमातून मनोरंजन करण्यापेक्षा हाच वेळ सत्कारणी लावावा असा निर्धार करुन त्याने शाळेचे पटांगण स्वच्छता करण्यास सुरवात केली.
बगिचाचीही देखभाल सुरू केली. बगिचातील झाडांची खुरपणी करून त्यांना तो दररोज पाणी घालतो. यामुळे कडक उन्हाळा असतानाही बगिचातील झाडे तजेलदार वाटत आहेत. पटांगण स्वच्छतेमुळे शालेय परिसर शांत, रमणीय झाला आहे. त्याच्या या कामाचे ग्रामस्थ आणि पंचक्रोशीतून कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.