राधानगरी : केवळ दोन लाख रुपये थकीत असल्याच्या कारणावरून देशातील मॉडेल धरण म्हणून समजल्या जाणाऱ्या राधानगरी धरणावरील (Radhanagari Dam )तोडण्याचे धारिष्ट आज महावितरण कंपनीने दाखवले. या धरणाचे महत्त्व न समजल्याने केलेली कारवाई केवळ एक तासात या कंपनीला मागे घ्यावी लागली. राज्यातील पहिला विद्युत प्रकल्प असलेल्या या धरणावर इतिहासात पहिल्यांदाच हा प्रकार घडला.

राज्यातील सर्वात मोठा पहिला प्रकल्प असलेल्या या धरणावरील विज बिल केवळ दोन लाख रुपये थकल्या कारणावरून हा वीज पुरवठा खंडित केला. या धरण स्थळावर पायथ्याला राज्यातील पहिले जलविद्युत केंद्र सुरू झाले. मात्र याच धरणाची विज आज तोडली. धरणाचे गांभीर्य आणि धरण सुरक्षिततेचे विषय लक्षात घेऊन वरिष्ठांनी हा प्रकार वेळीच थांबवला आणि दुपारी दोन वाजता वीज पुरवठा पूर्ववत झाला आहे.