बेळगाव : मसाज सेंटरच्या नावाखाली अनैतिक प्रकार चालविणाऱ्या टिळकवाडी येथील न्यू गेट वे युनीसेक्‍स स्पा मसाज सेंटवर छापा टाकून तिघा युवतींची सुटका करण्यात आली. शनिवार (ता.6) सायबर इकनॉमिक्‍स नार्कोटिक्‍स (सीईएन) पोलिसांनी हा छापा टाकला असून या प्रकरणी दोघांना अटक केली आहे. प्रकाश कन्नप्पा येळ्ळूरकर (वय 27, रा. मराठा कॉलणी टिळकवाडी), विनायक केदारी शिंदे (वय 37, रा. मरगाई गल्ली जुनेबेळगाव) अशी त्यांची नावे आहेत. 

टिळकवाडी दुसरे गेटनजिकच्या नेलसन हैट्‌स या अपार्टमेंटमध्ये असलेल्या न्यू गेट वे युनीसेक्‍स स्पा मसाज सेंटवर मसाजच्या नावाखाली अनैतिक कृत्य चालविण्यात येत आहे. अशी खात्रीलायक माहिती सीईएन पोलिस ठाण्याचे पोलिस निरीक्षक बी. आर. गड्डेकर यांना मिळाली होती. त्यानुसार त्यांनी आपल्या सहकाऱ्यांसह सापळा रचुन छाटा टाकला असता त्याठिकाणी तीन युवती आढळून आल्या. त्यामुळे त्यांची पोलिसांनी सुटका करुन वरील दोघा संशयितांना अटक केली. संशयितावर सीईएन पोलिस ठाण्यात रितसर गुन्हा दाखल करुन घेऊन जिल्हा रुग्णालयात वैद्यकिय तपासणी करण्यात आली असता त्यांची रवानगी कारागृहात करण्यात आली. सीईएन पोलिसांनी केलेल्या या कारवाईमुळे पोलिस आयुक्‍त डॉ. के. त्यागराज, उपायुक्‍त डॉ. विक्रम आमटे यांनी अधिकाऱ्यांचे कौतुक करुन बक्षिस जाहिर केले आहे. 

मसाज सेंटरना यापुढे कडक निर्बंध 
ेशहरात सुरु असलेल्या सर्व मसाज सेंटरचालकांनी परवाना पत्र आणि सीसीटीव्ही बसविणे सक्‍तीचे आहे. सेंटरमध्ये काम करणाऱ्या सर्व कर्मचाऱ्यांची माहिती देणे गरजेचे आहे. कोणत्याही कारणारुन मसाज सेंटरच्या नावाखाली अनैतिक प्रकार चालविण्यात येऊ नयेत. अनैतिक कृत चालविणाऱ्या मसाज सेंटरविरोधात कायदेशीर कारवाई करण्यात येईल. असा इशारा पोलिसांनी दिला आहे. 

हे पण वाचा - नातीच्या वयाच्या मुलीवर केला अत्याचार ; न्यायालयाने ठोठावली जन्मठेप

टिळकवाडीतील न्यू गेट वे युनीसेक्‍स स्पा मसाज सेंटवर छापा टाकून पोलिसांनी सर्वत्र तपासणी केली. यावेळी पोलिसांना तिघा युवतींसह अन्य काही अक्षेपार्ह वस्तू आढळून आल्या आहेत. त्यामुळे पोलिसांनी या प्रकरणाचा गांभीर्याने तपास चालविला आहे. 

संपादन - धनाजी सुर्वे