इचलकरंजी - शहरात काल रात्री कोरोना पॉझिटिव्ह आलेला यंत्रमाग कामगार उपचारासाठी सीपीआरमध्ये दाखल असताना आज दुपारी तेथून पळ काढला आहे. हा कामगार थेट रिक्षा करून आपल्या घरीच आल्याने इचलकरंजीतील कुडचे मळा परिसरात प्रचंड खळबळ माजली आहे.

शहरातील कुडचे मळा परिसरात राहणारा हा 55 वर्षाचा नागरिक यंत्रमाग कामगार आहे. तो अनेक ठिकाणी यंत्रमागावरही काम केला आहे. त्याचबरोबर त्याच्या घरातील 9 व्यक्ती एकत्र राहतात. यामुळे अगोदरच या परिसरात भितीचे वातावरण निर्माण झाले होते. आज सकाळी पुन्हा दोन नवे रूग्ण सापडल्याने शहरात घबराहटीचे वातावरण निर्माण झाले. असे असताना काल रात्री पॉझिटिव्ह आलेला यंत्रमाग कामगार चक्क सीपीआर रूग्णालयातून सर्वाना चकवा देत पळ काढला.

वाचा - इचलकरंजीत 'तो' आला परदेशातून अन् निघाला कोरोना पाॅझिटीव्ह...

तेथून तो रिक्षा करून थेट इचलकरंजी गाठला. वास्तविक उपचारार्थ दाखल असलेला हा रूग्ण अचानकच कुडचे मळा परिसरातील घरात आला आणि नातेवाईकांसह परिसरातील नागरिकांची एकच भांबेरी उडाली. प्रशासनाला ही माहिती समजताच तातडीने त्या भागात अधिकारी दाखल झाले आहेत. एकूणच या प्रकाराने शहरात मोठी खळबळ उडाली आहे.