कोल्हापूर - कोल्हापूर जिल्हा मध्यवर्ती बँकेच्या निवडणूकीसाठी गगनबावडा (gaganbawada) तालुक्यातून आज उमेदवारी अर्ज दाखल केला आहे. (Kolhapur district Bank Election 2021) बॅंकेला आर्थिकदृष्ट्या सक्षम करण्याचं काम ग्रामविकास मंत्री हसन मुश्रीफ (Hasan mushrif) आणि संचालक मंडळाने सातत्याने केलं आहे. सध्या गगनबावडा येथील ६६ मतदार आहेत, त्यातील ४६ मतदार सोबत आहेत. अजून तीन मतदार आमच्यासोबत असणार आहेत. त्यामुळे एकूण ४९ मतदारांची आकडेवारी गाठू असा विश्वास पालकमंत्री सतेज पाटील (Satej Patil) यांनी व्यक्त केला. कोल्हापूर जिल्हा मध्यवर्ती सहकारी बॅंकेसाठी आजपासून उमेदवारी अर्ज भरले जात आहेत. यावेळी ते बोलत होते.

यावेळी ते म्हणाले, गगनबावडा तालुक्यान सातत्याने २० वर्ष माझ्यावर विश्वास दाखवला आहे. पी. एन पाटील, (PN Patil) संजय मंडलिक (Sanajay mandlik) आणि विनय कोरे यांच्यासोबत बैठक घेऊव चर्चा झाली आहे. त्यामुळे ज्या ज्या तालुक्यात शक्य होईल तिथे ही निवडणूक बिनविरोध करण्याचा प्रयत्न असणार आहे. मागच्या पाच वर्षात बॅंकेन उत्तम कामगिरी केली आहे. राजकारण विरहीत हे काम सुरु आहे. आज संपूर्ण जिल्ह्यातून जास्तीत जास्त जागा बिनविरोध करण्याता प्रयत्न असणार आहे. मतांची आकडेवरी माहिती असल्याने जागावाटप संदर्भात चर्चा तालुक्यातील नेत्यांशी बातचित सुरु आहे. संबधित नेत्यांशी चर्चा झाल्यानंतर अंतिम नऊ जागांचा फॉर्म्युला स्पष्ट होईल, असे ते म्हणाले.