पेठवडगाव : गोपनीय पोलिस असल्याचे खोटे सांगून एकाने महिलेची ५७ हजार रूपयांची फसवणूक केली आहे. या तोतया पोलिसावर गुन्हा दाखल झाला आहे. तानाजी पिलाजी सावंत(रा.पेठवडगाव, तुकाईनगर,भादोलेरोड) असे या तोतया पोलिसाचे नाव आहे.

याबाबत अतधिक माहिती अशी, फिर्यादी सुरेखा जाधव या निलेवाडी येथे रहाण्यास आहेत. त्या प्राथमीक आरोग्य केद्र अंबप येथे कामास आहेत. त्यांच्या जावायांचे आपघाती निधन झाले आहे. दरम्यान, तानाजी सावंत कामानिमित्त निलेवाडीला येत होता. या दरम्यान त्यांची ओळख झाली. यात त्याने मी वडगाव पोलिस ठाण्यात गोपनीय पोलिस आहे. तरी तुमच्या जावयाचे आपघाती क्लेम मी मिळवून देतो अशी बतावणी केली. या कामासाठी साठ हजार रुपये खर्च येणार असे सांगीतले. त्यानंतर त्याने याकामासाठी १७ जुलै ला सकाळी साडे दहा वाजता निलेवाडीतील घरात येवून ५७ हजार रुपये घेवून पसार झाला.

हे पण वाचा - मराठमोळ्या बेळगावच्या सुपुत्राचा अमेरिकेत डंका

याबाबत सुरेखा कृष्णात जाधव (रा.निलेवाडी)यांनी वडगाव पोलिस ठाण्यात दिली आहे. याबाबत पेठवडगाव पोलिस ठाण्यात गुन्हा दाखल झाला आहे. या भामट्याबद्दल अनेक तक्रारी असून नागरिकांनी त्याच्या विरोधात तक्रार देण्यासाठी पुढे यावे असे अवाहन प्रशिक्षीणार्थी पोलिस अधिकारी डॉ. धीरज बच्चू यांनी केले आहे.

संपादन - धनाजी सुर्वे