Shidori of Mahervashini will not come this year, find out why 
कोल्हापूर

माहेरवाशिणींची शिदोरी यंदा येणार नाही, का ते जाणून घ्या

राजू पाटील राशिवडे

राशिवडे बुद्रुक, कोल्हापूर : "यंदा कोणीही बहिणींना गौरीची शिदोरी देऊ नये' माघारनींना आणू नये. बाबानू होऽऽऽ, अशा दवंड्या आता गावागावांत दिल्या जात आहेत. कोरोनाने माहेरवाशिणींच्या हक्काचं माहेरपण बंद केलं आहे. त्याने माऊलीच्या घरची वाट अडवली आहे. परिणामी शिदोरीसाठी होणारी लाखो रुपयांच्या फराळाची उलाढालही ठप्प झाली आहे. 
कोरोनाच्या संसर्गामुळे चार महिने लॉकडाउन आहे. ना पाहुण्यांकडे ये-जा, ना छोटे-मोठे समारंभ. पावसाळ्यापर्यंत कोरोनाचा संसर्ग थांबेल आणि हक्काच्या माहेराला गौरी- गणपतीच्या सणाला जाईन, ही आशा धरून असलेल्या माहेरवाशिणींच्या या आशेवर पाणी फिरले आहे. कोणीही माहेरची शिदोरी घेऊन बहिणीला आणायला जायचे नाही किंवा बहिणीने यायचे नाही, असे निर्णय बहुतेक सर्वच गावांतील दक्षता समितीने घेतले आहेत. 
गौरी-गणपती हा माहेरवाशिणी यांचा हक्काचा सण. जिव्हाळ्याच्या मैत्रिणी भेटायच्या. सुखदुःखाच्या कहाण्या सांगायच्या. चार दिवस राहून पुन्हा संसाराचं ओझं घेण्यासाठी सज्ज होण्याचा हा सण. कितीही सुखात असली, तरी सासरवाशीणींचे डोळे गौरीच्या शिदोरीकडे लागलेले असतात. माहेरच्या सुखाची, मायेची बरसात करून घेण्यासाठी त्यांचे चित्त सणाकडे लागलेले असते. बहीण वयाने मोठी कितीही असली तरी तिला ही हक्काची शिदोरी देण्याची रीत आजही जिल्ह्यात आहे. कोरोनाने यंदाची हक्काची शिदोरी घेऊन "भाऊराया' येणार नाही, हे आता निश्‍चित झाले आहे. 
ग्रामीण भागातही परंपरागत भाजी-भाकरी, वरणा-उसळीची शिदोरी आता बदलली आहे. वर्षाकाठी या शिदोरीसाठी लाडू, जिलेबी, खाजे हे तिचे नवे रूप आले आहे. यावर लाखो रुपयांची उलाढाल होत असते. गणपती आगमनाच्या आधी चार दिवस आता खेडोपाडी या फराळाच्या जिनसांचे शिदोरीसाठी मोठमोठे स्टॉल उभारलेले असतात. मात्र, यंदा या सगळ्या उलाढाली ठप्प झाल्या आहेत. एकट्या कोरोनाने शिदोरीची उलाढाल थांबली आहे. 


कोरोनाचा प्रादुर्भाव वाढू लागल्याने शिदोरी न देण्याचा निर्णय आम्ही गावकऱ्यांनी घेतला. तशी दवंडीही गावात दिली. आजवर संकटे आली; पण माहेरवाशीणींची शिदोरी थांबली नव्हती; पण आता भावा-बहिणींच्या कुटुंबांसाठी हा निर्णय गावात घेतला आहे. 
- धनाजी पाटील, माजी सरपंच कोदवडे (ता. राधानगरी)

- संपादन - यशवंत केसरकर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SuryaKumar Yadav Post: सूर्यकुमारची रात्री सोशल मीडियावर पोस्ट! जय शाह, रोहित शर्मा, गौतम गंभीर यांचे मानले आभार; नेमकं काय म्हणाला?

Shirur Crime : राज्य उत्पादन शुल्क विभागाने घरावर छापा टाकून विदेशी दारूचा लाखो रुपयाचा साठा केला जप्त

HSC Economic Paper : बारावीच्या अर्थशास्त्राच्या पेपरच्या वेळापत्रकात अंशतः बदल

SCROLL FOR NEXT