कोल्हापूर : शिवाजी विद्यापीठाच्या विविध अभ्यासक्रमांच्या परीक्षेत ऑनलाइनचा पर्याय निवडलेल्या विद्यार्थ्यांच्या परीक्षेस १५ एप्रिलपासून प्रारंभ होत आहे. त्याबाबतची माहिती विद्यापीठाच्या परीक्षा विभागाने पत्रकाद्वारे प्रसिद्धीस दिली आहे.

परीक्षा विभागाने ६ ते १५ एप्रिल दरम्यान होणाऱ्या अभ्यासक्रमांच्या परीक्षा स्थगित केल्या होत्या. मात्र, त्यात सुधारणा करून पुन्हा परीक्षांचे वेळापत्रक बदलले आहे. ज्या विद्यार्थ्यांनी ऑनलाईनचा पर्याय निवडला आहे. त्यांच्या परीक्षा १५ एप्रिल तर ऑफलाईनचा पर्याय निवडलेल्या विद्यार्थ्यांच्या परीक्षा कोरोनाचा प्रादुर्भाव कमी झाल्यानंतर घेण्यात येणार आहेत. गेल्या काही दिवसांत कोरोना रुग्णांची संख्या वाढत आहे. कोल्हापूर जिल्ह्यातील रोजचा आकडा ३०० वर पोचला आहे. या परिस्थितीत विद्यार्थी परीक्षा कधी होणार याच्या चिंतेत असून, परीक्षा विभागासमोर अडचणी वाढत आहेत. परीक्षा विभागाने पुन्हा सुधारित वेळापत्रक विद्यापीठाच्या संकेतस्थळावर प्रसिद्ध केले आहे, त्याची नोंद घ्यावी, असे आवाहन परीक्षा व मूल्यमापन मंडळाचे प्रभारी संचालक गजानन पळसे यांनी केले आहे.

हेही वाचा - मातोश्रीचं नाव बदलून लॉकडाउन करा; मुख्यमंत्र्यांवर निलेश राणेंचा घणाघात