शिरोळ (कोल्हापूर) : जयसिंगपुर येथील विलगीकरण कक्षातील कांही नागरीक रात्रीच्यावेळी गावी झोपण्यास जात असल्याची गंभीर बाब पुढे आली आहे.कांही नागरीक, हेतु पुरस्कर या विलगीकरण कक्षात सोशल डिस्टन्स न पाळता एकत्र राहणे, खाणे पिणे करीत असल्याने, प्रशासनाची डोकेदुखी बनली आहे. याबाबत आता प्रशासनाने गंभीर दखल घेतली असून अशांचावर कायदेशीर करण्याचा इशारा दिला आहे.

दरम्यान शिरोळ तालुक्‍यात सोमवार  अखेर 594 नागरीक रेड झोनमधुन आले आहेत. या सर्व नागरीकांचे स्वॅब घेण्यात आले असुन, त्यांचे अहवाल प्रलंबित आहेत.  या नागरीकांच्या घेतलेल्या स्वॅबचा अहवाल प्रलंबित असल्याने, आणि विलगीकरण कक्षात सोयीसुविधांचा आभाव असल्याने, त्यांची आवस्था बिकट बनली आहे. 

हेही वाचा- ब्रेकिंग - सांगलीत शिराळा तालुक्यात आणखी एक व्यक्ती कोरोनाबाधित...

शिरोळ तालुक्यातील धक्कादायक प्रकार

पुणे, मुंबई, ठाणे यासह रेडझोनमधुन 594 नागरीक शिरोळ तालुक्‍यात आले आहेत. या नागरीकांना शिरोळ, जयसिंगपूर यासह विविध गावातील संस्थात्मक विलगीकरणकक्षात ठेवण्यात आले आहे. दत्त पॉलिटेक्‍नीक कॉलेज व्यतिरीक्‍त, अन्य ठिकाणच्या विलगीकरणकक्षात सोयी सुविधांचा आभाव आहे. कांही नागरीक, हेतु पुरस्कर या विलगीकरण कक्षात सोशल डिस्टन्स न पाळता एकत्र राहणे, खाणे पिणे करीत असल्याने, प्रशासनाची डोकेदुखी बनली आहे. या नागरीकांना घरातुन जेवण देण्यात येत असले तरी, कांही नागरीक गैर वर्तन करीत आहेत. 

जयसिंगपुर येथील विलगीकरण कक्षातील कांही नागरीक रात्रीच्यावेळी गावी झोपण्यास जात आहेत. ही बाब प्रशासनाच्या निदर्शनास आल्याने उमळवाड येथील स्थानीक ग्राम समिती ला इशारा दिला आहे प्रशासनाने असे प्रकार घडल्यास संबंधित ग्राम समितीवर कारवाई करण्याचा दम दिला आहे. मंगळवारी माजी खासदार राजु शेटटी, माजी आमदार उल्हासदादा पाटील, नगराध्यक्ष अमरसिंह पाटील, भाजपचे नेते, अनिलराव यादव यांनी तहसिलदार सौ अपर्णा मोरे धुमाळ यांची भेट घेवुन विलगीकरणकक्षातील नागरीकांचे किळसवाने प्रकाराचे किस्से सांगितले. 

हेही वाचा-गावी आल्याचे समाधान पण पुढे काय...?

उदगाव येथील रेडझोनमधुन आलेले चार नागरीक, विलगीकरणकक्षात न येता, घरी गेले होते. ही बाब दक्ष नागरीकांनी प्रशासनास निदर्शनास आणुन दिली आहे. 
रेड झोनमधुन आलेल्या नागरीकांनी शासनाच्या विलगीकरण कक्षात न आल्यास त्यांच्यावरती कारवाई केली जाईल.
सौ अपर्णा मोरे धुमाळ, तहसीलदार शिरोळ