जोतिबा डोंगर : येथील गायमुख परिसरात तुटलेल्या वीजवाहिनीचा धक्का बसून सहा म्हशींचा जागीच मृत्यू झाला. आज दुपारी ही घटना घडली. यात सुमारे साडेतीन लाख रुपयांचे नुकसान झाले. 

येथील किसाबाई काटकर रामदास काटकर म्हशी घेऊन  घेऊन गायमुख परिसरात चारण्यासाठी गेले होते. या ठिकाणी गवताळ दलदलीचा भाग आहे. तेथे म्हशी पाणी पिण्यासाठी गेल्या होत्या. 
दरम्यान, काल (ता. २८) वादळी पाऊस झाल्याने वीजवाहिनी तुटून पडली होती. तिचा स्पर्श झाल्याने सहा म्हशी जागीच कोसळल्या. या घटनेत किसाबाई यांनाही धक्का बसला; पण हातात काठी असल्याने त्या फेकल्या गेल्याने जीव वाचला. त्यांनी आरडाओरडा केल्यानंतर परिसरातील शेतकरी जमले. 

हेही वाचा- एक नोव्हेंबरला महाराष्ट्राचे सर्व मंत्री दंडाला काळी फीत बांधून करणार काम -

काटकर कुटुंबाचा उदरनिर्वाह म्हशीवरच होता. त्यांची परिस्थिती गरिबीची असून या घटनेने डोंगरावर हळहळ व्यक्त होत आहे. घटनास्थळी वीज वितरण कंपनीचे अधिकारी व पशुसंवर्धन अधिकाऱ्यांनी भेट देऊन पाहणी केली.

संपादन - अर्चना बनगे