कोल्हापूर - लेखमाला व ग्रंथवाचनातून राजर्षी छत्रपती शाहू जयंती साजरी करण्याचा निर्णय अखिल भारतीय मराठा महासंघाने घेतला आहे. युवा अभ्यासक इंद्रजित माने यांची राजर्षी शाहू छत्रपतींच्या जीवन चरित्रातील विशिष्ट पैलूंवर लिहिलेली लेखमाला व्हॉट्सअप, फेसबूकच्या माध्यमातून पाच दिवस प्रसिद्ध करण्यात येणार आहेत. घरोघरी राजर्षी शाहू ग्रंथ वाचून सुरक्षितपणे घरीच शाहू जयंती साजरी करण्यात येणार आहे. महासंघाचे राष्ट्रीय उपाध्यक्ष वसंतराव मुळीक यांच्या अध्यक्षतेखाली ऑनलाइन बैठक झाली.

राजर्षी शाहू महाराज यांची जयंती मराठा महासंघाच्या वतीने त्यांच्या विचारांना प्रेरक अशी साजरी करण्यात येते. राजर्षी शाहू महाराज यांच्या विविध आदेशांसह चित्रमय प्रदर्शन, रांगोळी प्रदर्शन, व्याख्यान, राजर्षी शाहू महाराज यांची छायाचित्रे प्रकाशन, इत्यादी उपक्रमांनी साजरी करण्यात येते. पण, यावर्षी कोरोनाच्या महामारीमुळे प्रबोधनात्मक साजरी करण्याचे ठरविले आहे.

वाचा - कोल्हापुरातील कृषी विद्यापीठाबाबत आताच निर्णय नाही

यावेळी इतिहास संशोधक इंद्रजित सावंत, शशिकांत पाटील, मारुती मोरे, शैलजा भोसले, उत्तम जाधव, चंद्रकात चव्हाण, डॉ संदीप पाटील, शिवाजी पाटील, किशोर पाटील, सचिन पाटील, एकनाथ जगदाळे, प्रकाश पाटील, डॉ प्रदीप पाटील, सुहास निंबाळकर, संतोष सावंत, सुनील पाटील, अमर पाटील, अवधूत पाटील उपस्थित होते.