कोल्हापूर - जिल्ह्यात कोरोनाचा प्रादुर्भाव वाढत आहे. तसेच जिल्ह्यात महापुराचीही शक्‍यता आहे. त्यामुळे आरोग्य विभागाच्या सर्व डॉक्‍टरांनी मुख्यालयातच रहावे. जे डॉक्‍टर मुख्यालयात राहणार नाहीत त्यांच्यावर कारवाई केली जाईल, अशा इशारा आरोग्य समितीने दिला आहे. सभापती हंबीरराव पाटील व जिल्हा आरोग्य अधिकारी डॉ.योगेश साळे यांच्या उपस्थितीत मंगळवारी ऑनलाईन बैठक घेण्यात आली. 

कोरोनाच्या पार्श्‍वभूमीवर आरोग्य समितीची मासिक सभा ऑनलाईन घेण्यात आली. यामध्ये जिल्ह्यातील कोरोनाच्या वाढत्या रुग्णसंख्येवर चिंता व्यक्‍त करण्यात आली. संभाव्य पूरपरिस्थितीचाहा कोल्हापूर जिल्ह्याला धोका आहे. त्यामुळे सर्व डॉक्‍टर्सनी मुख्यालयीच राहण्याचे आदेश देण्यात आले आहेत. सध्या जिल्ह्यात साथ रोगाचे प्रमाणही वाढत आहे. त्यामुळे एकत्रित संकटामुळे जिल्हा प्रशासन हैराण झाले आहे. म्हणूनच डॉक्‍टरना हे आदेश देण्यात आले आहेत.

हे पण वाचा - ब्रेकिंग - कोल्हापुरात त्या एकाच कुटुंबातील तिघांना कोरोनाची लागण

पावसाळ्यामध्ये आरोग्य यंत्रणेची कसोटी लागते. अनेक गावांचे मार्ग बंद होतात. त्यामुळे आरोग्याची व्यवस्था तत्पर राहणे आवश्‍यक आहे. तसेच वैद्यकीय सुविधा देत असताना औषधांचा पुरवठाही सुरळीत राहील, साथरोगाची औषधे पुरेशी आहेत का, याचीही खातरजमा करण्याच्या सुचना देण्यात आल्या आहेत.